Pasa den martxoaren 23an, larunbat goizean, egin genuen Nafarkoop S.Coop.en 2019ko batzar orokorra, Iruñeko Frantzisko Deuna Ikastetxe Publikoan, gure bulegotik gertu.
Miren Olaetxea lehendakariaren sarrera hitzaldiaren ondoren, bertan bildu ginen bazkideek azalpenak jaso genituen kooperatibaren lehen urtean aurrera ateratako proiektuenak Xabier Loyarte Nafarkoopeko langilearen eskutik; datorren urtera begira egin nahi diren lanenak Santi Ochoa de Eribek azaldu zituen eta egoera ekonomikoaren ingurukoak azkenik Fernando Olalde bolondresak.
Kooperatibako kontu-hartzaileak aukeratzeaz gain aurkeztutako puntuak aho batez onartu ziren.
Goiener Taldeko ekitaldietan ohikoa den eran bazkari batekin amaitu genuen jardunaldia, Geltoki jatetxean.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
