Asteroko buletina
Bizitza baratze bat da, lurpetik azaleratu ezazu.

Bizi baratzearen plaza

EuskalNatura
Euskalnatura taldea 2007tik dabil naturaren inguruko zientzia albisteen eta euskarazko edukien dibulgazioan. Horrez gain, Udako Euskal Unibertsitatearen natur zientzien saila zuzentzen du. Jardun horren baitan, hurrengo ekintza nagusia Natur Zientzien IV. Topaketa (Iruñea, azaroak 7-8) antolatzea da.

Ingurumen hezkuntza, gizarte jasangarrirako bide?

2018-10-13 14:14
Hitzaldi sorta honetan sinbiosian arituko dira hiru hizlari ingurumen hezkuntzako argi eta itzalez solasteko. Hartara, herritar, administrazio eta zientziaren arteko triangulazio interesgarria sortuko da, ingurumen hezkuntzako alor anitzetan lanean aritutako hiru hizlarien ikuspuntuak bateratzerakoan.
Alde batetik, Iñaki Sanz-Azkuek, Aranzadi Zientzia Elkarteko kide eta irakasleak, bere ikasleekin zein herritarrekin erabilitako irakaskuntza metodologien inguruan hitz egingo digu. Zenbait adibideren bitartez, azalduko du nola landu ingurumen hezkuntza eta zientziarako konpetentziak. Horrez gain, ikusiko dugu ingurumen hezkuntzako edukien lanketak zein langa edo muga dauzkan hezkuntza formal zein ez-formalean.
Honi buruz ondo daki Edurne Huesak ere, iraganean irakasle aritu izan baita. Hala ere, egun Legazpiko INGURUGELA-Ceidako aholkularia da. Teknikariak ezagutzera emango dizkigu Eusko Jaurlaritzatik ikastetxeei zuzendutako Ingurumen Hezkuntza programak eta baita erakundeekin batera Ingurumen Hezkuntza bultzatzeko abiatutako sareen berri eman ere.
Ingurumen hezkuntzako eduki hauek kaleratzerakoan, ezinbestekoa da kalitatea bermatzea, eta horretarako, ebaluazio zientifikoa derrigorrezkoa dugu. Hari horretatik tiraka ibiliko da Joserra Diez Zientzia Esperimentalen Didaktikaren alorreko EHUko Hezkuntza Fakultateko irakasle atxikia. Bere ikerketa urte luzez ibai ekologian zentratu bada ere, egun bere lana zientziaren hezkuntzan, garapen jasangarrirako hezkuntzan eta ingurumen hezkuntzako programen diseinuan eta ebaluazioan egiten du. Horregatik, ingurumen hezkuntzako programen eraginkortasunaz arituko zaigu, orain arte egindako zenbait ikerketen berri emanez.
atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora