Asteroko buletina
Otsailean lainoa noraino, elurra gero haraino.

Bizi baratzearen plaza

Ekologistak Martxan
Ekologistak Martxanetik ekologismo soziala jorratzen dugu. Ingurumenaren arazoak, ekoizpen eta kontsumo ereduekin loturik daudela uste dugu, geroz eta globalizatuagorik dagoen mundu honetan; eta guzti honek, bestelako gatazkak sozialak eragiten ditu gure ikuspegitik: Iparralde eta Hegoaldearen arteko harremanak, desberdintasun sozialak...

Animalien babes, eskubide eta ongizateari buruzko legearekin gora eta behera

2023-03-02 11:17

Hasi baino lehenago gustatuko litzaiguke esatea lege honek animalia batzuen eskubideak arautzen dituela, baina, hori esan eta gero, oso nabarmena da lege honen helburuak oso pobreak direla, animalia guztiak ez dituelako kontuan hartzen; ematen du animalia batzuek ez dituztela eskubideak merezi.

Ildo horretan, onartezina da gizakien gehiegikeriak gehien pairatzen dituzten animaliak zerrendan ez egotea. Zezen-ikuskizunetan erabilitako animaliak, makroetxaldeetan hazitako animaliak (lege propioakak dituztelako) edo ehiza-txakurrak.

Legea irakurri eta gero, gure ustez, hasieratik gabezia asko ditu; lehena, «Animalien Babesa, Eskubideak eta Ongizatea Bermatzeko Legea» izenburu edukitzea, eta, jarraian, horietako batzuk legetik kanpo uztea ez da oso koherentea. Agian, izenburua desberdina izan beharko litzateke; adibidez, «Etxeko eta Kaleko Animalien Babesa, Eskubideak eta Ongizatea Bermatzeko Legea».

Guk PSOEren jarrera koldarkeria politikotzat jotzen dugu, tauromakiaren, ehizaren eta abarren munduan kulunkatzen diren lobby ezberdinen ustezko presioetara makurtu dela, uste baikara.

EAJk bere osoko zuzenketa aurkeztean argudiatzen zuen Lege honek Eusko Jaurlaritzak arlo dituen eskumenak urratzen dituela. Lotsagabekeria! Jeltzaleei ahaztu egin al zaie PSOErekin PPrekin bezainbeste gobernatu dutela? Eta horren ondorioz, ia 44 urteko Estatua dugula? 26 konpetentzia besterendu gabe daudela?

Oso nabarmena da animaliek gure babesa behar dutela, baina onartu behar dugu borroka honek “ate” desberdinak dituela: kulturalak, erlijiozkoak, politikoak, sozialak, ekonomikoak … eta defendatzen edo kritikatzen ditugunak zein diren, erakartzetik kritikaraino eragin dezake.

Piter Encinas, Igor Urizar Arrasateko Ekologistak Martxan taldeko kideak

Argazkiak: AEMek bidaliak.

atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora