Uztailean, kaxak ezkerreko irudian bezala zeuden; orain, berriz, eskuinekoan bezala, baina hor jarraitzen dute.
Orain dela sei hilabete, apirilaren 18an, Udalari komunikatu genion baten batek legez kanpo “ahaztuak” zituela hogei kaxa zundaketa-lagin baino gehiago Ibaetan, zehatz-mehatz Joxe Mari Korta zentroaren ezkerreko berdegunean. Hiru hilabete geroago, uztailaren 6an, kaxek hor jarraitzen zutela ikusirik, salaketa publikoa egin genuen eta Udalari zera eskatu genion: alde batetik, kaxak lehenbailehen erretiratzea (izan ere, “garbiketarekin” zerikusia duten beste gauzetarako Udalak askoz azkarrago ere badaki mugitzen) eta, bestetik, kaxak hor “ahaztu” dituena identifikatzen saiatzea (egia esan, ez dirudi langintza horretan Udaltzaingoak arrastoen faltan egon behar duenik, “ahaztutako” laginak guztiz legez kanpoko zundaketen ondorio ez badira, behintzat, eta hori jakitea ere oso komenigarria litzateke).
Bada, sei hilabete pasatu dira eta kaxek hortxe daude, pixka bat sakabanatuagoak, baina. Ai AHT, Metro edo erraustegiaren kontrako pankarta bat izan balira! Astebete ere ez zuten iraungo! Hori bai, garbiketa-arrazoiengatik, e?, ez pentsa zentsura edo beste edozein arrazoi tartean egon daitekeenik, noski.
Udaltzaingoak jakin nahi badu zundaketa-lagin hauen jatorria zein den, ez duridi ikerketa hasteko arrastoen faltan egongo denik.
Lagin batzuk oraindik kaxa barruan daude; besteak, berriz, inguruan sakabanatuta,
Hor daude, Tolosako Hiribidetik metro batzuetara.
Eguzki, 2021eko urrian
La entrada Sei hilabete geroago aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
