Asteroko buletina
Abuztuko euriak, patatak usteldu.

Bizi baratzearen plaza

Eguzki
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/

Pozoia Arratzua-Ubarrundian

2020-04-09 20:42

Argazkian ikus daitekeen putrea seguruena pozoitua hil da, zehatz-mehatz, hau bezalako haragi popozoitu puska bat janda:

pozoina3Arabako Arratzua-Ubarrundia udalerrian aurkitu dute, Gasteiztik kilometro gutxira, eta ez da azkenaldion inguru horretan pozoituta hil den animalia bakarra. Hona hemen beste bi, azeria eta miru gorria:

pozoina2pozoina4Beste hegazti batzuk ere erori dira, baita txakur bat ere.

Bistan da berrogeialdian egon arren, baten bat etxetik ateratzen dela, eta ez, hain zuzen ere, funtsezko zerbitzuak ematera.

Pozoia ez da metodo selektiboa, helburu duen espeziea ez ezik mota guztietako animaliak ere akabatzen dituelako, basatiak ala etxekoak izan. Pertsonak berak ere, zeharka, kaltetuta gerta daitezke. Horregatik dago zeharo debekatuta. Eta ez hori bakarrik, 1995etik Zigor Kodean delitu gisa agertzen da. Beraz, horrelako pozoiak ipinten ibiltzen dena kartzelara ere joan daiteke.

Ingurumen-arazo latza da, borrokatzeko zaila, besteak beste, horretarako bitarteko espezializatuak behar direlako, adibidez, pozoiak aditzen trebatutako zakurrak. Eta bitarteko horiek edukitzea ala ez borondate politikoaren kontua da, jakina. 2016an, SEO eta WWFk azterlan bat egin zuten. Azterlan horretan sartu zuten erkidego autonomikoek arazo hau borrokatzeko egindako ahaleginen araberako ranking bat. Bada, 17 erkidego autonomikoetatik, Euskadi 16garrena zen, justu-justu Gaztela eta Leonen aurretik. Eta rankingean aurreneko postuak okupatzen zituzten Andaluzia, Aragoi eta Kataluniatik oso urruti. Baita 6garren zen Nafarroatik urruti ere. Ez dakigu gaur egun zer postu hartuko luke Euskadiko Erkidegoak, baina lasai asko esan dezakegu, azterlan hura egin eta lau urte geroago, trebatutako zakurrik gabe jarraitzen dugula.

EGUZKI, 2020ko apirila

La entrada Pozoia Arratzua-Ubarrundian aparece primero en Eguzki Talde Ekologista.

atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora