Asteroko buletina
Maiatzean elorria lore, artaon lurrean.

Bizi baratzearen plaza

Eguzki
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/

“Orain da unea: ardurak argitu! Metroa behin betiko gelditu” lelopean, larunbatean manifestazioa Donostian

2020-11-09 17:58

“Orain da unea: ardurak argitu! Metroa behin betiko gelditu!” lelopean, datorren larunbatean, hilak 14, Donostiako Koldo Mitxelenatik 12etan abiatuta, manifestazioa antolatu du Satorralaia Bizilagunen Mugimenduak.

Gomendatzen dizuegu jendea parte hartzera animatzeko egin duten bideoa:

https://www.youtube.com/watch?v=BIRhdLhk2ms&feature=emb_logo

Jarraian, berriz, deialdia…

Donostiako Metroaren obretan arazo larriak eta %80tik gorako gainkostuak pilatzearen ondorioz, lurpeko eraikuntza lanak eten behar izatea gertaera eskandalagarria da. Esan gabe doa, Jaurlaritzak gastuen igoera izugarri hori “hondarra eta uren ustekabeko agertzeari” leporatzea barregarria dela. Bada, Metroaren obran azaleratu den lardaskeria itzel honen aurrean, manifestaziorako deia egiten dugu, hain zuzen ere ardurak argitu daitezela eskatzeko eta jendartean deskreditu osoa bereganatzen ari den makro-proiektu behargabeko hori behin-betiko geldiaraz dezatela aldarrikatzeko.

Donostiako hiri-erdialdean barrena Metro bat eraikitzea herritar gehienen iritziaren aurka inposatu da. Egitasmoak ez du inongo justifikaziorik hiriko garraio publikoa nahiz Gipuzkoan EuskoTrenen sarea hobetzeko egin diren bestelako proposamenen aldean. Hori gutxi balitz, eraikuntza lanetan arazo larriak sortu dira eta langileen eta herritarren segurtasuna jarri da arriskuan: Zubieta kaleko 8. eraikinean Kontxako hondartzaren azpiko tunelaren zulaketak eragindako ezbehar larriaz gain, informazio guztia argitara eman dezatela eskatzen dugu Urbieta kalearen azpian tunelaren zulaketa-lanak Amarako Eskolen eta Koldo Mitxelena Kulturgunearen artean geldiaraztea behartu duten arazoen inguruan. Guzti horrek proiektuaren ZENTZUGABEKERIA egiaztatu baino ez du egiten.

Egoera kaotiko honen aurrean, Eusko Jaurlaritzak obran milioi askotako gainkostuak barne hartuko dituen esleipen berri bat egiteko agertu duen asmoa onartezina da. Are gehiago egungo krisi egoeran, proiektu honek gizarte arloko hainbat premia atzeraezin eta lehentasunezkoei erantzuteko behar-beharrezkoak diren baliabideen xahuketa ekonomiko justifikaezina dakarrenean. Zer gehiago gertatu behar da Metroaren obra erabat gelditzeko?

Hori denagatik, Satorralaia bizilagunen mugimenduak azaroaren 14ean mobilizatzeko deia egiten dugu, eguerdiko 12etan Koldo Mitxelenatik abiatuta, Metroaren aurka berriro protesta egiteko eta jendartearen gehiengoak astakeria handi hau onartzen ez dugula adierazteko.

Zuen parte hartzea espero dugu beraz, baita zuek informatuko dituzuen lagunena ere. Osasun gomendioak errespetatzeko behar diren neurriak hartuta, Donostiako kaleetan manifestatzeko animatzen diegu herritar guztiei.

ORAIN DA UNEA:

Ardurak argitu

METROA BEHIN BETIKO GELDITU!

La entrada “Orain da unea: ardurak argitu! Metroa behin betiko gelditu” lelopean, larunbatean manifestazioa Donostian aparece primero en Eguzki Talde Ekologista.

atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora