Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian.
Gehiago jakiteko. http://eguzki.org/quienes-somos/
Ondarroan bi isuri kutsatzaile berri salatu ditu Eguzkik
2019-09-21 19:09
Gasoil-orbana nahiko garbi ikusten da argazki honetan.
Isuri kutsatzaileek eguneroko ogi izaten jarraitzen dute Ondarroa partean. Eguzkik biren berri izan du aste honetan. Lehenengoa Kakalekun. Badirudi araztegiak oraingoan ere huts egin duela. Bigarrena, berriz, gasoil-isuria izan da, portuan bertan. Portuan hamaika kamara daude, baina inoiz ez dute erruduna harrapatzen. Erabatekoa da zigorgabetasuna.
Eta halaxe jarraituko dugu, neurririk hartzen ez den bitartean.
Kakaleku. Gauzak asko aldatu ezean leku honek luzaz eutsiko dio herritarrek jarritako izen horri.
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.