Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian.
Gehiago jakiteko. http://eguzki.org/quienes-somos/
Obra hondakinak Urola ertzean Azkoitian.
2019-11-03 14:55
Azkoitiko Altzibar kaleko fatxada bat berritzen aritu dira. Horretarako obrako edukiontzi bat erabili dute
eta kale berean dago obrako hondakinak botatzeko. Kalea garbi mantendu dute, atzekaldeko ibai ondoa
berriz zabortegi bihurtu dute. Eta hauxe da gaurkoan salatu nahi duguna.
Badirudi ezkutuan gelditzen dena ez dagoela zaindu beharrik. Begi itsuak, negarrik ez.
Narraskeria hori egin duenak (berritze lanak egin dituen enpresa eta etxejabeak) adina erru, hala jokatzen utzi dionak (Azkoitiko Udala) duela uste dugu.
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.