Tamalgarria da Pasaiako portuan jarduten den nagusikeria egiaztatzea. Jarduera batzuek ingurumenaren eta osasunaren arloan indarrean dagoen araudia urra ez dezaten eta lurzorua, airea eta itsasoa kutsa ez dezaten neurri faltari buruzko salaketak etengabeak dira, baina zoritxarrez, salaketa horiek egun batean bai eta bestean ere modu sistematikoan aurkez litezke.
Inork ezin du ezjakintasuna argudiatu; izan ere, bideo eta argazki askok ematen dute behin eta berriz errepikatzen den egoera horren berri, eta, hala ere, herritar sufrituen animoak lasaitzeko oso gutxitan irekitzen den zehapen-espedienteren bat izan ezik (beti ere herritarren salaketen ondorioz), administrazioek tximinoarena egiten dute: ez ikusi, ez entzun, ez hitz egin.
Noiz arte jasan beharko dugu jarduera osasungaitz horiek gure ingurunea eta osasuna kutsatzea? Noiz pentsatzen dute administrazioek (Portuko Agintaritza, Eusko Jaurlaritza, Aldundia eta Udalak) dagozkien eginkizunak betetzea eta praktika horrekin amaitzea?
Gaur ere amorruz eta etsipenez ikusi ahal izan dugu nola deskargatzen zen materiala (hauts zuria) eta nola partikulak airetik, lurretik eta itsasotik barreiatzen ziren.
La entrada LURREZ, AIREZ ETA ITSASOZ….. KUTSADURA PASAIAKO KAIAN aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
