Lasarte-Orian protesta egin du gaur herritar talde batek Teresategi mendi-magalean, Errekaldeko industriagunearen atzeko partean, ezarri nahi duten Leroy Merlinen aurka.
Bukaeran, bertaratutakooi gure inguruan proiektuaz zer pentsatzen dugun adieraztera animatu gaituzte. Animatuko gara, ba.
Udalean nagusi diren PSEk eta EAJk plana datorren asteko udalbatzan onartzeko asmoa dute. Hori bai, gero kanpainak egingo dituzte erosketak herriko saltokietan egiteko “kontzientziatu” gaitezen.
Leroy Merlin ezarri nahi duten lekua. Atze-atzean, Teresategiko pinu adierazgarriak.
Planak, gainera, lur-erauzketa garrantzitsu bat eskatuko du, eta, horren ondorioz, harizti eder bat suntsituko dute. Horrela, Leroy Merlini nola edo hala lekua egingo diote berez nahiko gabezia urbanistiko baduen Errekaldeko industrialdean.
Goiko argazkian non ezarri nahi duten; behekoan, fotomuntaian, zer ezarri nahi duten.
Planak Donostiako udalerriari ere badagokio, Errekalde Lasarte-Oria eta Donostia bitartean dagoelako. Baina Donostiako Udalak egiten uzten du. Zergatik esan behar zion ezetz Lasarte-Oriakoari? Azken batean, Donostiakoak inguruan politika bera egiten du. Horra hor Mercadona eta horra hor Belartza II proiektu handia. Eta Oasaren orube zaharrean ere, “kaleaz beste aldeanâ€, nolabait esateko, merkataritza-gune handi bat ezartzeko asmoa zuen, harik eta beste proiektu bat atera den arte.
“Normaltasuna berrianâ€, errezeta zaharrak. Lehengo lepotik burua.
La entrada Leroy Merlin Errekalden ezartzearen kontrako protesta, Lasarte-Orian aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
