Irungo udalerrian, zehazki Jaitzubian, Eguzkik salatu du legez kanpoko hondakindegi bat dagoela.
Zoritxarrez, arau-hauste horiek maizegi gertatzen dira, eta ez da lehen aldia praktika txar horiek salatzen direna zonalde honetako beste toki batzuetan. Espezie autoktonoak (haritzak, haltzak, sahatsak) eta erriberako landaredia duen padura (lezkak, ihitokiak, ezpata-belarrak, kanaberadiak) biltzen dituen gune aberatsa da Jaitzubia.
Horren berri eman zaio Irungo Udalari, eta jakinarazi digute berehala kenduko dituztela obra-hondakinak. Aldundiak, halaber, dagozkion eskumenetan, iragarri du dagokion prozedura gauzatuko duela.
Funtsezkoa da edozein naturgune legez kanpo eta kontrolik gabe isurketa- eta metaketa-eremu gisa erabil ez dadin horrelakoak salatzea, bai eta jatorrizko egoerara itzultzea eta, ahal den neurrian, gertakari horien egiletza ikertzea eta dagokion jarduketa egitea ere.
La entrada Legez kanpoko obra-hondakinen isuria Jaitzubian aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
