Argazkia ikusita, lekuak zoragarria badirudi ere, Kantarepeko kalan ur beltzen isurketak noiznahi, ia etengabe gertatzen dira gutxienez, duela urtebete ezkeroztik. Honen salaketa publikoa egin dugu Getxoko Auzokideak, Ekologistak Martxan eta Eguzkikook. Hona hemen:
Prentsa oharra – 2019ko ekainaren 11
GETXOKO (BIZKAIA) BIZILAGUN ELKARTE ETA TALDE EKOLOGISTAK UR BELTZAK ITSASORA ISURTZEAREKIN AMAITEZA ESKATZEN DUGU KANTAREPEN, ARRIGUNAGA HONDARTZA INGURUAN.
Getxoko Auzokideak , Ekologistak Martxan eta Eguzki Talde Ekologistak Getxon, Kantarepe – Arrigunaga inguruan, ur beltzen edo saneamendu uren isurketa salatzen dugu.
Isurketa hauek ez dute etenik izan gutxienez orain urtebete ezkeroztik, inguruko hondartza guztietan bainua debekatzea eragin zuen kutsadura gertakari larri bat gertatu zenetik, zeina 2018an GUK Getxo taldeak salatu zuen. Orduan, ur beltzez gainezka egiten zuen Ur Partzuergoaren gainezkabide bat topatu zen Usategi inguruan, zeinak egun kutsatzen jarraitzen duen.
Ur zikina eta kiratsaz gain, konpresak, komuneko papera eta halakoak topa ditzakegu Kantarepeko harkaitz artean barreiatuta.
Azken egunetan biral bihurtu den bideo batek egoera argi azaltzen du:
https://www.facebook.com/EkologistakMartxan/videos/2055214698120989/
Guzti honen salaketa eta konponbide eskaera helarazi diogu naiz Ur Partzuergoaren hala Udaletxeko arduradunei.
Salatzaileok, utzikeriaren ondorioz galdutako urte hau instituzioei egozteko modukoa izan arren, Ur Partzuergoarekin eta Getxoko Udalarekin izandako harremanetan jasotako erantzunak azkenean ekintza zehatz bihurtzearen itxaropena dugu.
Instituzio hauek lehen bait lehen koordinatu, arazo zehatza topatu eta konpontzea espero dugu, izan ere arazo hau, Getxoko azken kala hiritar “birjinean” gertatzen ari da, non inguruko ubarroi kolonia bakarra kokatzen den eta inguruan dauden Arrigunaga eta Ereaga hondartzetako bainurako uren kalitatean eragin zuzena duen eta ondorioz baita bertaratzen diren milaka bainulariengan ere.
La entrada Getxoko Kantarepen isurketekin amaitzea eskatzen dugu bizilagun elkarteak eta ekologistok aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
