Eguzkik salatu nahi du Donostiako gazteluko komunak, zehatz-mehatz bolborategian daudenak, ez daudela saneamendu-sareari lotuta, eta, ondorioz, ur beltzak mendian bertan isurtzen dira, inolako tratamendurik gabe. Ikus bideoa:
https://www.youtube.com/watch?v=t-Vao73F8uo&t=4s
Hori onartezina da. Are gehiago, zigorgarria ere bada, baina, kasu honetan, nork zigortuko du Donostiako Udala?
Ez da arazo berria eta Udalak ederki asko daki. Izan ere, orain dela gutxi arte, komunotako ur zikinak belaze batean botatzen ziren. Hori eragozteko, belaze horretan bertan lurpean barrena doan tutu batean sartu eta, harresi historikoa zulatuta, orain basotxo batean isurtzen dira.
A ze txapuza. Udalak ezin du, edo, behintzat, ez luke horrela jokatu behar.
Udala ur beltzak saneatzeko erantzulea da eta ezin du, edo, behintzat, ez luke araudia urratu behar, instalazio publikoetako isuriak inolako tratamendurik gabe botata.
Kalea pixa egiteagatik isuna handi samarra bada, zenbatekoa izan beharko luke komun publiko bateko ur beltz guztiak multzo historiko batean botatzeagatik?
Premiazkoa da komun hauek saneamendu-sareari lehenbailehen lotzea.
Donostiako EGUZKI, 2019ko abuztuan
La entrada Gazteluko komunetako ur beltzak mendian bertan isurtzen ditu Donostiako Udalak, inolako tratamendurik gabe aparece primero en Eguzki Talde Ekologista.
EMAN HARTURAKO:
Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.
