Bizi-baratzea

SORTU KONTUA
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/
2019-08-27 14:34

Larunbateko manifestazioa ez da inola ere ekintza bakarra, baina bai jendetsuena.

Bukatu da Biarritzen G7ren goi-bilera, ezaugarri nagusi guztiz ohiz kanpoko militarizazio-maila izan duena. Kolore guztietako 20.000 polizia eta militarrek bene-benetako salbuespen-egoera sortu dute, eta, horrekin batera, irudi inpaktante bezain nardagarriak utzi dizkigute gogoan. Hala ere, (oroz gain baina ez bakarrik) larunbatean Hendaia eta Irun bitartean 15.000 lagun bildu zituen manifestzioaren bidez, “On est l?, m?me si Macron ne le veut pas” adierazi ahal izan dugu, txaleko horiek kantatzen duten bezala. Hemen gaude, Macronek (eta beste hainbatek) nahi ez badu ere. Eta hori adierazi ahal izan dugu gehienbat G7 EZ! plataformari esker. Izan ere, plataforma horrek, zailtasunak zailtasun, marko bat eskaini digu G7ko agintariei beraien politikez zer iritzi dugun argi eta garbi esateko. Batzuek “normaltasuna nagusi” izan dela nabarmendu dute, mugimenduak murriztuak izatea eta poliziez inguratuta egotea gauza normalak balira bezala. Beste batzuek, aldiz, nahiago izan dute fribolizatu G7ren goi-bileak Euskal Herria kanpoan “ezagutarazteko” zabaltzen duen aukerarekin. Horien ifrentzuan, berriz, G7 EZ! plataformak lortu du bistaratzea hemen badela gizarte-zati garrantzitsu bat gauzak bestela ikusten dituena. Eskerrik asko, beraz.

La entrada Eskerrik asko G7 EZ! plataformari aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.