Bizi-baratzea

SORTU KONTUA
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/
2021-10-28 18:00

Hau ez da lehengoan Jaizkibelen bota zuten belatz handia, baina bai espezie bereko ale bat. Argazkia: Ramón Aranbarri.

Asteburuan Jaizkibelen belatz handi bat bota zutelako, Aldundiak hainbat ehiza-postu itxi ditu

Aldundiak Jaizkibelgo Leuta-Guadalupe-Faro ehiza-lineako hainbat postu (62. eta 72. bitartean) itxi ditu, joan den asteburuan inguru hartan belatz handi bat (Falco peregrinus) tiroz bota zutelako. Guk dakigula, hilabete honetan eskopetaz botatako espezie babestuetako hirugarren alea da. Izan ere, Eguzkik Fiskaltzan salatu zuenez, urriaren 6an Errezilen arrano txiki bat (Hieraetus pennatus) eta 16an Seguran elanio urdin bat (Elanus caeruleus) tiroz zaurituak aurkitu zituzten. Arrano txikia handik gutxira hil zen eta elanioa, berriz, Arrano Etxean osatzen ari da.

Eguzkik bere poza agertu nahi du Aldundia alor honetan behingoz inakziotik atera delako. Kontuan izan behar da tiroz botatako espezie babestuena ez dela arazo puntuala, kronikoa baizik. Azken urteotan Eguzkik honelako kasuak salatu dituenean, behin eta berriz honako galdera hau egin du: “Noizko ehiza-linea ixte bat babestutako espezieak botatzen direnean?”. Bada, badirudi egun hori iritsi dela. Ikusteko dago momentuzko erreakzioa den, hilabete honetan kasuak pilatzen ari direla ikusita, edo benetan Aldundiaren politika berri baten abiapuntua den.

Halaber, Ehiza Federazioa ohar bat atera beharrean aurkitu da, babestutako espezieak tiroz bota izana gaitzesteko. Sarri salatzen dugun bezala, honelako kasuetan oso zaila da tiro egin duena identifikatzea eta zigortzea, baita “garbi” jokatzen duten ehiztariez inguratuta daudenean ere.

ZERGATIK EZ DIRA IRISTEN SALAKETAK FISKALTZARA ALDUNDITIK BERTATIK?

Aldundiak Jaizkibelen hainbat ehiza-postu ixteko hartu duen erabakiak kointziditu du, denboran, Eguzkik Errezilgo arrano txikiaren eta Segurako elanioaren kasuak Fiskaltzan salatu izanarekin. Saleaketa horien bidez, Eguzkik tiroa egin dutenak identifikatzea du helburu, noski, baina, halaber, argitu nahi luke zergatik honelako salaketak ez diren Fiskaltzara iristen zuzen-zuzenean Foru Aldunditik.

Esan beharra dago espezie babestu bat tiroz botatzea delitua izan daitekeela, kartzela-zigorra eta guzti ekar dezakeena, gainera. Eta agintariek, ustezko delitu baten berri izan bezain laster, fiskalari edo epaileari jakinarazi behar diotela, zer jakinarazi eta zer ez erabakitzeko eskumenik gabe, gaur egun Aldundian gertatzen omen den bezala.

Eguzki, 2021eko urria

La entrada Eguzki pozik, Aldundiak behingoz erreakzionatu duelako babestutako espezieak tiroz bota izanaren aurrean aparece primero en Eguzki Talde Ekologista.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.