Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian.
Gehiago jakiteko. http://eguzki.org/quienes-somos/
Egitarau berezia, Gladysen 40. urteurrenean
2019-05-09 18:23
Ekainaren 3an, José Martínez Salas guardia zibilak Gladys del Estal ekologista donostiarra buruan tiro bat jota Tuteran hil zueneko 40. urteurrena izango da. Urteurren biribila dela eta, Gladys Gogoan ekimena sortu da. Helburua Gladysen memoria errebindikatzea da, batez ere Donostian, Iruñean eta Tuteran antolatutako ekitaldien bidez. Eguzki ekimen honekin bat dator, jakina.
Oraingoz, aurreratzen dizugu Donostian antolatutako kartela-programa, baina, data hurbildu ahala, informazio gehiago emango dugu.
Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.
BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.