Asteroko buletina
Apaltasunik gabe ez dago baratzezaintzarik.

Bizi baratzearen plaza

Eguzki
Eguzki euskal erakunde edo elkarte ekologista bat da, boluntarioek osatua. Boluntariook herriz herriko taldeetan aritzen dira. Halaber, talde hauek laguntzaile sare baten korapiloak dira. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian. Gehiago jakiteko. http://eguzki.org/quienes-somos/

Donostiako Udalak Illunbeko zezenketetak laguntzen jarraitzen du

2023-03-22 20:26

Lagé zinegotzia, toreatzaile saritua eta Pepe Delgado, sariketako epaimahaikoa. Iturria: J.M. LÓPEZ / DIARIO VASCO.

Cristina Lagé Turismoko zinegotzi ordezkariak Roca Rey toreatzaileari sari bat eman dio aste honetan, iazko Aste Nagusian Illunben faenarik onena egin omen zuelako.

Eguzkik beti salatu du Donostiako Udalak Illunbeko zezenketen sustatzaileei ematen dien laguntza EZINBESTEKOA.

Azken urteotan, Udalak, auzi honetan duen erantzukizun zuzena ezkutatu nahian, zera argudiatu du, zezenketak jarduera pribatua direla eta berak ez duela jarduera horretan inolako erantzukizunik.

Baina horrela balitz, Turismo zinegotziak zergatik eman beharko luke sari bat? Udalaren egitekoa al da pertsona bat saritzea zezenak hiltzeagatik espektakulu bihurtuta?

Donostiarrok, behintzat, ez ditugu zezenketak txalotzen, ezta saritzen ere. Izan ere, Udalak berak enkargatutako inkesta baten arabera, herritarron % 71ren iritziz, EZ da onartu behar udal-instalazioak zezen-ikuskizunetarako erabiltzea.

Gauzak horrela, nor ordezkatzen ari zen zinegotzia aipatutako saria eman zuenean? Donostia zezen-sarraskiekin nahastea nahi ez duen gehiengoa edo zezen-sarraskiekin gozatzen omen duen gutxiengoa?

Gainera, prentsa-kronikaren batean irakurri dugunez, faena biribiltzeko edo, Lagé zinegotziak esan zuen “zezenketa kultur munduaren funtsezko zutabea dela”.

Gauzak horrela, Eguzkik Goia alkateari espresuki galdetu nahi dio ea bat ote datorren Turismo zinegotziak egindakoarekin (saria ematearekin, alegia) eta esandakoarekin.

Kontuan izan behar da hau ez dela horrelako zerbait gertatzen den lehen aldia. PSEko zinegotziek urteak daramatzate toreatzaileei sariak ematen, seguruena mundu horretan bozka batzuk lortuko dituztelakoan. Baina Donostiako Udalaren eta donostiarren izenean ari dira. Eta hori larria da. Hori ezin da nolanahi onartu.

Zezenketei dagokienez, PSEko zinegotziek beren burua ordezkatzen dute, edo, gehienez ere, alderdiarena Ez besterik. Eta donostiarron iritziaren inguruan oraindik zalantzarik badituzte, galdetu baino ez dute egin behar.

A ze faena Turismo zinegotziarena!

EGUZKI, 2023ko martxoa

La entrada Donostiako Udalak Illunbeko zezenketetak laguntzen jarraitzen du aparece primero en Eguzki Talde Ekologista.

atzera
Asteroko buletina

EMAN HARTURAKO:

Zirkuitu ibilbidea 2, Industrialdea 15
20160 Lasarte-Oria. Gipuzkoa. Euskal Herria
bizibaratzea@bizibaratzea.eus
+34 943371545

OlatuKoop

Ekonomia sozial eraldatzailearen sareko kide da ARGIA (Bizi Baratzea). Informazio burujabetza helburu, egunerokoan gauzak egiteko beste modu batean sinesten dugu.

BIZI BARATZEAko edukiak kopiatu, moldatu, zabaldu eta argitaratzeko libre zara, beti ere, gure egiletza direla aitortzen baduzu eta baldintza beretan egiten baduzu.

gora