Gaur estatua kiebra jota dago duela urte batzuk ‘Ekialde Hurbileko Suitza’ deitzen zuten Libanon. Herritarrei bermatu ezin dizkien oinarrizko zerbitzuen artean dago osasun sistema. Minbiziak, eritasun kroniko larri batek edo buruko gaixotasunak harrapatutako milaka jende geratu da beharrezko terapiak eskuratu ezinik. Herritarrak elkarri lagunduz saiatzen dira moldatzen, baina asko geratzen dira batere irtenbide barik.

Bai gerraren aurka, bai horri eusten dion makineria guztiaren aurka borroka egiten duten emakumeak gogora ekarri ditu Armiarma Talde Feminista eta Antimilitaristak. Gerrari eta industria militarrari ezetz esateko, Bilbon elkarretaratzea deitu du astearte arratsalde honetan.