Bizi-baratzea

ALBISTEAK

2021-08-02 | Xabier Letona Biteri

Bi fenomeno handi ari dira ematen, besteak beste, bizi dugun energia trantsizioaren bueltan: batetik, energia berriztagarrien bigarren leherketa –ARGIAren 2.731 zenbakian landu genuen– eta, bestetik, energia komunitateen sorrera eta garapena. Bietan ere enpresa handiak ahalegin berezia egiten ari dira sor daitezkeen aldaketen aurrean haien negozio lerroak ongi kokatzen. Ondoko lerroetan azalduko dugu energia komunitateak Nafarroan zertan diren.

2021-08-02 | Oihane Arretxea Bereziartua

Euskal Herrian elikadura eta ekoizpena begirada eraldatzaile batetik lantzen ari diren proiektu ugari ditugu, eta sare anitz bezain sendoa osatzen dute. Aberastasun horren isla diren hiru proiekturengana jo dugu, ustezko utopia hori praktikara eramateko bilatu dituzten bideak ezagutzeko: Elikagunea, Galdakaoko Elkarlaguntza Sarea eta Ekoalde. Elikaduratik abiatuta, euren komunitatearen burujabetza ari dira elikatzen.

2021-08-02 | Estitxu Eizagirre

Orain guztiok nahi dugu herrian energia komunitate bat. Europak zabaldu du zirrikitua; diru publikoa enpresa pribatuetara azkar bideratzeko formula berritzaileak sustatu dituzte Next diru-laguntzek; eta praktika kutsakorrak dituzten ingeniaritza eta energia enpresa handiek berdean ere negozioa egiteko olatua abiatu dute.

Baina berez, herri bat behetik gora burujabetzarantz pausoak ematen joateko aukera dira energia komunitateak. Guztiek "komunitate" hitza darabilten arren, dena baita nola egiten den.

2021-08-02 | Urko Apaolaza Avila

Bizitzeko dugun lehengai baliotsuena da ura, eta Euskal Herri lanbrotsu honetan inoiz bere faltarik ez dugula uste arren, gure erreka, urtegi eta urmaelen trataera desegokiak edo kudeaketa interesatuek eragin dezakete kanilatik tantarik ez ukaitea etorkizun batean. Uraren sistema burujabe, burutsu eta ekologiko baten zantzuen atzetik abiatu gara zazpi etapako ibilaldi honetan, historiatik eta egungo esperientzietatik zerbait ikasi nahirik.