Bizi-baratzea

ERAGILEEN GIDA

BILATU

1.999ko otsailean gorpuztu genuen Aldabe, O.E. sortzeko ideia. Zerain Parke Kulturalaren proiektuak aurrera egin ahala, Zeraingo Udalak eta Zerain Dezagun Fundazioak bultzatuta sortu genuen Aldabe.

Lau urte geroago, pauso bat harago eman eta Aldabe Kooperatiba Elkarte bilakatu zen. Zeraingo proiektuak irmo zirauela ikusirik, erronka berriei ekiteko erabakia hartu genuen.

Finean, herri nahi auzoetako baliabide turistikoen kudeaketan aditu bilakatu gara.

Usurbilgo Alkartasuna Baserritarren Kooperatiba Elkartearen helburua Usurbilgo eta inguruko baserritar txikia laguntzea da, behar ditzakeen zerbitzu eta eskaintzak sortu eta indartuz.

Baserritar txikia laguntzeaz gain, Alkartasuna Kooperatibak Usurbilgo biztanleria osoari zuzendutako denda kudeatu, gasoil eta gas butano zerbitzua eskaini eta inguruko beste baserritar kooperatibekin lankidetza jorratzen du.

Alkartasuna Kooperatibak ekologiaren aldeko apustu garbia egin du. Hala, gure dendan hazi, ongarri, margo eta janari ekologikoak aurkituko dituzu.

Edozein Usurbildarrek Alkartasuna Kooperatibako bazkide izateko aukera du, horrek eskaintzen dituen abantaila ugariak eskuratuz.

Amarauna irabazi-asmorik gabeko elkarte bezala antolaturik dagoen kolektibo bat da, Sakanako Ziordi herrian kokatua dagoen konbentu ohia kudeatzeaz arduratzen dena, bertan bere proiektu autogestionatua aurrera eraman nahi duena.

2015eko maiatzean ustekabeko aukera eta erronka aurkeztu zitzaigun, lagatze baten bitartez, Sakanako Ziordiko komentu zaharra kudeatzearena, hain zuzen. Hasiera batean etxebizitza bat eta lur sail guztiak erabili ahal izan ditugu. Gure proiektuaren oinarriak sortzen bidearen parte eginik, talde bezala batzen eta bultzatzen gaituzten balio eta ideiak zehaztu ditugu. Batzar nahiz eztabaida ugariren ondoren, baita praktikara eramandako hainbat esperientziaren ondoren ere, (ortu komunalak, animalien zein fruta arbolen taldeak, Autonomia komunalaren topaketak…) eta espazioa zabaldu ahal izateko beharrezko kudeaketen ondoren, eraikuntza osoa zabaltzeko aukera dugu azkenik. Honenbestez, balore zein printzipio batzuetan ezagutzen den edozein pertsona nahiz kolektibori tresna hau eskaintzen diogu.

 

GURE IKUSPEGI AMANKOMUNA

Gure ikuspegi amankomuna, Amaraunako kideak batzen gaituena eta espazio hau izatea nahi duguna hurrengo esaldian laburbiltzen dugu:

Espazio bat non guztiak askatasunean arremandu gaitezke, konfiantzan, errespetuan eta komunikazio on batean oinarrituz, gure nahi indibidual zein kolektibo asetu ditzazkegun; gure ingurumena zainduz eta burujabetza osoa lortzeko bidean aurrera eginez.

Hau lortzeko, espazio ezberdinak sortu eta proiektu ezberdinak garatuko ditugu, gure printzipio eta baloreetan oinarritutako harremanak garatzeko egoerak sustatuz; eta gure ingurumen eta naturararekin arduratsu izaten, honen garrantziaz kontzientzia hartuz.

Burujabetza osoaren bidean, garapen pertsonala eta emozionala sustatzeko proiektuak, elikadura autoekoizpenarenak, osasunaren autogestioaren formakuntza eta ikastaroak, aurrera eramango ditugu; eta autosufizientzia energetikoa lortu nahian sistema energetiko iraunkorrak eta kontsumo baxukoak martxan jartzea.

Gure printzipio eta baloreak zabaldu daitezen, gure gizarteari, ingurugiroari. gure proiektu eta espazio batzuk eskaini eta partekatzea.

2007. urtean jaio zen. Helburua gure lanaren bidez ingurugiroa eta garapena kontzeptu bateragarriak direla frogatzea da. Bide hori jarraitu dugu gure lan alorrean urte hauetan, ekimen pribatu zein publikoekin lan eginez eta gure hasierako oinarria kontutan izanik.
Ingurugiroak hainbat disziplina eta eragile diferenteen arteko harremanak hartzen ditu. Guretzat funtzeskoa da haien arteko elkarlana. Horregatik, disziplina anitzeko lantalde sarearen parte gara, gure bezeroei erraminta integratzaileak eskaintzeko asmoz eta proiektu bakoitzaren beharretara moldatzeko asmoz.

2011n jarri zuen martxan Apaiziartza Kolektiboak Gaintxurizketako (Lezo) baratzeen proiektua. Hastapenean 20 saski banatzen zituzten inguruko kontsumo taldeetan, 2.500 metro koadro lantzen zituzten eta bi nekazari ziren. Egun, berriz, 100 familia elikatzen dituzte saskiekin, 12.000 metro koadro lantzen dituzte eta bost nekazari dira.

Malloen itzalpeko paraje ikusgarrian dago Araizko bailara, Nafarroako iparraldean. Bertan sortu berri dute “Araizko Zaporeak” sor-marka eta proiektua, bailara bultzatzeko asmoarekin.


Zurea bidali