Nolako zura halako ezpala

Bizi-baratzea

Hostoen eguna (14:00ak arte)
Gaurko hitza
Zuztarra
:  landarea eusten duen enborra eta zarbajearen hondakina. Adibidez... [+]
BIZI BARATZEA Buletina jaso nahi dut

Hiztegia

A B C D E F G H I J K L M N O P Q R S T U V W X Y Z
Hiztegi hau ez da hizkuntzalarien lana. Hitzak denonak diren neurrian, denon artean egindako bilduma bat da, landareen eta lurraren kulturaren hitzen meta. Zure hitzen zain gaude denok. Eman eta hartu.
Mozkin: Baratzetik sortzen duguna, etekina.
Sinonimoak: Mozkina
Muintegi: Landare berriak sortzeko tokia. Hazitegian haziak ereinda sortzen diren landare berriak, muintegian aldatzen dira, han txertaketak eta belaunketak egin, aldaxkak aldatu eta ugalketa teknika guztiak erabiltzen dira.
Sinonimoak: Mindaitz, Mintegi, Txirpi
Mukur: Surterako egur zatia.
Sinonimoak: Mokor, Egurki
Musajea: Eguraldiak itxura txarra hartzen duenean, ilundu, haizea indartu denbora laburrean...
Pertsonetan ere aurpegiak egoera txarra adierazten duenean.
Mutazio: Bere kasa gertatzen den landareen geneen bat-bateko mudantza. Landarearen informazio genetikoa aldatuko da. Ondorengoei transmititzen zaie. Ezaugarriak aldatu daitezkeenez, aldaera edo mota berriak sor daitezke.
Sinonimoak: Mutazioa
Mutxikin: Sagarra edo udarea jandakoan geratzen den hondarra. Fruituaren bihotza, txortenetik azpiko zulorainokoa, haziak barne.
Sinonimoak: Kondotx
Oilaurra: Eraso baten ondorioz landareak sortzen duen orbain tankerako zarakarra.
Ondu: Fruituak ondu. Belarrak jasotzeko lehortu. Simaurra luartu.
Sinonimoak: Umatu, Heldu
Ongarri: Lurrari ematen zaiona bere ezaugarri fisikoak edota kimikoak hobetzeko.
Sinonimoak: Ongailu
Orbelontzi: Errekak dakarren orbela geratu, bildu eta jasoteko egitura. Orbel hori, atera, lurrusteldu eta ongarri izango da. Bergara.