Baratzezaintza izango da, ziur asko, beste edozer gauza egitea baino gehiago gustatzen zaidana Viggo Mortensen

Bizi-baratzea

Sustraien eguna (00:00ak arte)
Gaurko hitza
Zuhain
:  Aziendarentzako bazka.
BIZI BARATZEA Buletina jaso nahi dut

ERAGILEAK

BILATU

1.999ko otsailean gorpuztu genuen Aldabe, O.E. sortzeko ideia. Zerain Parke Kulturalaren proiektuak aurrera egin ahala, Zeraingo Udalak eta Zerain Dezagun Fundazioak bultzatuta sortu genuen Aldabe.

Lau urte geroago, pauso bat harago eman eta Aldabe Kooperatiba Elkarte bilakatu zen. Zeraingo proiektuak irmo zirauela ikusirik, erronka berriei ekiteko erabakia hartu genuen.

Finean, herri nahi auzoetako baliabide turistikoen kudeaketan aditu bilakatu gara.

Usurbilgo Alkartasuna Baserritarren Kooperatiba Elkartearen helburua Usurbilgo eta inguruko baserritar txikia laguntzea da, behar ditzakeen zerbitzu eta eskaintzak sortu eta indartuz.

Baserritar txikia laguntzeaz gain, Alkartasuna Kooperatibak Usurbilgo biztanleria osoari zuzendutako denda kudeatu, gasoil eta gas butano zerbitzua eskaini eta inguruko beste baserritar kooperatibekin lankidetza jorratzen du.

Alkartasuna Kooperatibak ekologiaren aldeko apustu garbia egin du. Hala, gure dendan hazi, ongarri, margo eta janari ekologikoak aurkituko dituzu.

Edozein Usurbildarrek Alkartasuna Kooperatibako bazkide izateko aukera du, horrek eskaintzen dituen abantaila ugariak eskuratuz.

2007. urtean jaio zen. Helburua gure lanaren bidez ingurugiroa eta garapena kontzeptu bateragarriak direla frogatzea da. Bide hori jarraitu dugu gure lan alorrean urte hauetan, ekimen pribatu zein publikoekin lan eginez eta gure hasierako oinarria kontutan izanik.
Ingurugiroak hainbat disziplina eta eragile diferenteen arteko harremanak hartzen ditu. Guretzat funtzeskoa da haien arteko elkarlana. Horregatik, disziplina anitzeko lantalde sarearen parte gara, gure bezeroei erraminta integratzaileak eskaintzeko asmoz eta proiektu bakoitzaren beharretara moldatzeko asmoz.

2011n jarri zuen martxan Apaiziartza Kolektiboak Gaintxurizketako (Lezo) baratzeen proiektua. Hastapenean 20 saski banatzen zituzten inguruko kontsumo taldeetan, 2.500 metro koadro lantzen zituzten eta bi nekazari ziren. Egun, berriz, 100 familia elikatzen dituzte saskiekin, 12.000 metro koadro lantzen dituzte eta bost nekazari dira.

Malloen itzalpeko paraje ikusgarrian dago Araizko bailara, Nafarroako iparraldean. Bertan sortu berri dute “Araizko Zaporeak” sor-marka eta proiektua, bailara bultzatzeko asmoarekin.

Aranzadi Zientzia Elkartea irabazi asmorik gabeko elkarte zientifiko bat da eta natur zein giza ingurunearen ikerketa zientifikoa eta lortutako emaitzen dibulgazioa ditu helburu. 1947an sortu zen, eta izena Telesforo de Aranzadi ikertzaile handiaren omenez datorkio (1860-1945).

Aranzadi Zientzia Elkarteak 1.700 bazkide ditu eta, horietatik, 150 inguru beren zereginak erakunde honen arloan garatzen dituzten diziplina zientifiko desberdinetako ikertzaileak dira. Ikertzaileak Natur eta Giza Zientzien arloko unibertsitario tituludunak dira, eta eragin handieneko diziplinak Biologia, Historia, Arkeologia, Medikuntza, Antropologia, Etnografia, Geografia eta Geologia dira.

Sorburutik, Elkarteak hainbat jarduera egin ditu eta hainbeste, non Biodibertsitate eta Antropologia zein Historia arloko garrantzi handieneko erakundea bilakatu den.

Egun, Azterketa eta Ikerketa Zentro eratu da eta, bertan, haien lanak plan eta proiektu espezifikoen arabera egiten dituzten askotariko espezialistek dihardute. Aranzadi komunitate zientifikorako erreferente bihurtu da, 2001ean Erabilgarritasun Publikoko Erakunde aitortu izanak erakusten duen moduan.